رد علي الكوتية

عبدو بخيت حبيبو
ـــــــــ
بنية الهمل الناقصين ضعاف الامة
جابت قول منافي ولي العوائد ضمة
السيسي العميل الطرفو ما إتلما
يضم سودانا لي دار الرقيص الرمة
.......
سيبك من بلاد خالية دنيس وشوايب
يابت الرخاص الفي الملمة عوايب
معروف اب جفير جياب كلامآ صايب
وان دايرة الكلام منبر حديثنا حلايب
.......
ستين سنة وكل يوم نجيبو نصرنا
خايضين اللهيب واطين عليهو جمرنا
فد يوم مارمش في عز كماجا بصرنا
تنهدا السماء كان ود خسيسة عصرنا
.......
لسانك شايفو يامكشوفة غالب صمتك
والاعلام اخد من كل ناحية بصمتك
نحن كلامنا حين صدام كسر قاصمتك
في كم ساعة سلمناك فتوح عاصمتك
......
نسيتي الذلة والسكليب نسيتي الجوع
نسيتي القيدو بي عقالو ولحسة الكوع
نسيتي الرد ليك شرفك وابوك مصروع
نسيتي الغطى عوراتك واخوك مخلوع·