رد علي الكوتية فاجر التعيسه

الشاعر بشري ابراهيم يرد علي الصحفيه الكويتيه فجر السعيد

قول لي فجر تتفجر بك ألفين دانه
يا الشهباء المشحطه من لحم نشفانه
وطنا الحدو مرسوم فوق صدورنا امانه
ود رقاصه ما بلقالو فيهو مكانه

مالك ومال حلايب ترسميلا حدود
شنو الحشرك قبيل بين القرف والعود
يا الجاهله التواريخ نحن فرسة وجود
أبوك ما قالك الناس ديل أساسا اسود

قبيل أكرمنا واديناهو دارنا وحمنا
كتير في الزايله ضقنا اكلنا ضيفنا وصمنا
وكت عطشو المصاريا وسوو سد ما لمنا
هرسنالن مزارعنا وبيوتنا وقمنا

خلي السيسي اسمع لي نصيحتك يجينا
ضايقو كماجنا يا المسلوبه ما بلاقينا
كان أرض الكويت صدام مقلع طينا
نحنا امريكا عجزت من دخول ولدينا

مابقعونا ناس السيسي مهما كان
ضاقونا ولقونا حناضل القيزان
يوم الباشا قال داير الدهب كمان
صبحناهو كوم فحمه وعقاب دخان

اسألي عن تواريخك سنة ستين
دخل جيش العراق واستولى في ساعتين
كان ما جنودنا جوك متل الصقور خارين
كان يا الليله انتو تكونو محتلين

تعالي نكلمك عن كررى والمهديه
وعن جنيات بقرضو الميه فوق الميه
جيشنا الحقهن قلعوهو بالزنديه
في شأن أم ضمير بسخو وبموتو ستيه

بقينا اسياد حروب باقي الدول لامونا
مسالمين صرنا ناس فجر السعيد حقرونا
البي النضمي والإعلام بقو يهدينا
كان رطن السلاح يا الفاجره ما برجونا

السودان تواريخ عز وانتي صغيره
والجمل أن قدل للكلبه ما بجيب سيره
ابشري يا حلايب ما بتعيشي اسيره
كان ما نعز ترابك تبقى فينا مسيره